Život Tete Lize (20): Pečena raca i spirek

- Godovnica je slavljenica, za vas fine dame koje ste se rodilje v noveše vreme pak ne znate. Nesu se nosilje na dar te kojekakve bedastoče za koje pravzapraf moraš meti peneze. Mesto čokolade smo spakovalji tenjer zdigani kolači

Rođendana nek slavi što oče, a meni je odnavek imendan zakon –
rekla je jednom prigodom Teta Liza, kad je nas nekolicina naišla
počestitati rođendan. I tekla je riječ po riječ, između ostaloga
sjetila se ona da se nekad od početka godine već planiralo koja
godovnica je na redu. 

– Godovnica je slavljenica, za vas fine dame koje ste se
rodilje v noveše vreme pak ne znate. Nesu se nosilje na dar te
kojekakve bedastoče za koje pravzapraf moraš meti peneze.
Dišal si ljepo i od domačega sopuna, kojega smo sami delalji,
mesto čokolade smo spakovalji tenjer zdigani kolači. No, moram
reči saki je imel svoje familjije s kojima se veseljil, največ
pot su to bila brača, kumi, ljudi s kojima si delal i
tak… 

– Dok smo Viktor i ja stanuvalji na veterinarski, ja sem bila
mlada kuharica školji i mlade učitelje i tete z vrtiča je
direktor navek pošiljal kam drugam, nego k meni de su se moglje
najesti, a unda smo njim našlji nekvoga staneka ilji sobicu, tak
dogo dok se ne rešilo nekak, ve bi reklji, stambeno
pitanje. 

I tak sem ja, za jen moj imendan, a brzo je bilo i Kataljenje,
pozvala k sebi te mlade dečke i deklje i vužek mi po pesmi.
Obečala sem da bom spekla i racu. No kanila sem ju speči po pol
noči jer zvečera smo se najelji kolači. A bila je na novo došla
jena mlada učiteljica, bilo ji je smešno kaj mi popevljemo i kaj
se veseljimo. Zabila sem kak se zvala, samo znam da je tu bila
jako kratko, oko mesec dni. 

– Ja ću doći samo radi pečene patke – rekla je, a dok je došla,
došla je s praznom rokom. 

–  Bilo mi je žal, a kak mi i nej bilo. Pozoveš nekoga od
srca v naše društvo i unda ona velji da je došla radi pečene
patke. Opče ji je ne bilo važno kaj sem ja bila Ljiza, kaj je
bila i jena Katica. Briga je nju bilo kaj se itak godovnice
moraju… zavezati. 

Kaj vam na na pamet palo nekvo vože, (nasmijala se), to se tak
reklo. Komu je bil imendan, išli smo to, ve bi reklji obilježiti,
a negda smo išlji godovnjake vezat z jelom i pilom. I na flaši
koju smo neslji je bila fteknjena muškatljinova ružica.

– Je kaj se vrnem na to pečenu racu. Mi smo, bilo nas je oko
deset, vužek po pesmi i saki je nekaj veseloga sprepovedal. A ta
funfulja samo je ponavljala z vremena na vreme… pečena raca…
pečena raca…

Otpiralji smo flašu za flašom. Kolači su se pojelji kak da je v
nji tresnula strela. A unda druga jena mlada učiteljica je
sprepovedala kak je znapak zišla domaj. Svekrva je negdi
posmotala spirka. Spirek je bila krpa s kojom su se pralje
zdelje. Je ne bilo kojekakvi spužvici i kajtijaznam bedastoči. I
tak je stalno svekrva ponavljala… de je ve te spirek, nega
spirka… i zdehne si. 

A ona bogica je misljila da svekrva nekoga čaka jer su melji
radionu. Sako malo je nešto došel. Samo je spirek zakazal –
nasmejala se Teta Liza i rekla da to ne nikaj, da bo još puno pot
bedasto zišla. Niti prva, niti zadnja. 

– No kaj se mi vrnemo na ovu funjastu. Ona je stalno
ponavljala… kad će ta patka, kad će ta patka, a ja sem ju ftruc
ne dela peč. Nazadnje se stala i rekla da ji se spi – prisjetila
se teta Liza

– Još je ne došla niti do svojega stana, več je raca bila f
kahljaku. Jelji smo ju oko tri v jutro.