Ivek i soseda Jana nahrupili su v Veronikinu hižu
Gospodin me samo želi utješiti što se udajem, što sam morala napraviti takav zaokret u životu… ništa više. To je veličasni… – počela je ali suseda Jana mam su ju prekinuli.
– Čuj, fljundrica, naprajla boš ti zaokreta kakvoga si si ne niti mislila. Znači, Purgera si ti štela skoristiti, našega Purgera, kojega si tobože rada mela? I ne me briga kak se gospon zovu! Sramota jena. Se poštene žene sramotiš, nek ti bo jasno. I vi, gospon… japa…
-I to je ne se! – ve se Ivek naskočil na mestu kaj mu se jena čižma zula. – Pajdaša si nam štela zeti! Skoristiti! Od nas odvojiti! Dobro veliju suseda Jana. Se poštene žene sramotiš. Kaj ne, soseda Jana?
– Dej moči ti, Ivek. Stvar je puno ozbiljneša. Se je to predalko dišlo. Dete! Dete nekomu podlječiti! Bogec, kaj je ne dosta nesrečen. Opće si nemrem zamisliti takvu žensku svinjariju.
– Niti ja, soseda Jana! – zaviknol je Ivek
– Rekla sem ti kaj boš močal! I tebe je mati podljekla pokopiču. Elj ti si mi opče ve ne važen. Premišljavam si kaj ji nek nazadnje rečem.
– Zašto gurate nos u nečije privatne i intimne stvari, uopće mi nije jasno? Ja ću to sa Zvjezdanom riješiti u miru.
– E, naboš. Ti se boš pobrala sela tam otkot si i došla. I lažeš da si se sljekla z časni. Što zna kakva ti je cela priča. I japa ti je bil takof. Mufljator, muljator stari, da je mogel tri pot bi se pri meši bil išel pričeščat. I ve mi je jasno da se samo tak z črešnje ne pađa. Moral ji je nešto nekaj naprajti. Materi tvoji! Fuj, sram te bilo! Ma nemaš ti srama kaj je pod noftom črno! A vi, isto tak, kaj vas čovek pljunol! Decu delate kaj se se praši! To ste se došli dogovoriti? Dete nek bo tuđe, a ona bi k vam tu i tam došla?
– Slažem se – viknol je Ivek. – Soseda Jana znaju se bolje nek si mi.
– Ako naš zamočal, bomo se zvenčali. Naj misliti da se boš zljekel, ako se Purger zvlekel.
– Ma močal bom, soseda Jana. Za drvo i za kamen. Komaj čakam kaj pajdašu povemu istinu. Poznam ga v dušu. Bečal se bo kak dežđevno ljeto. A kaj ako ima veljku vručinu pak zabi kaj smo mu reklji dok mu vručina pane? Kaj ako se bo sejeno štel ženiti? Jaj, jaj, jajsiga meneki! I ako bo štel tuđe dete?
– Nje unda več nabu tu, si me razmela, draga moja pokvarena dušica? – soseda Jana su se obrnuli k nje.
– A tko bi s vama svima na kraj? Svi ste vi ipak seoski ljudi. Da ste bar malo poradili na sebi… da ste…
– Prosim lepo? Poradili na sebi? Ve da si ne noseča bi ti nosa potrla! Okriviti dečka koj je jako na kičmu betežen! Njega koj se komaj prigne kaj si cipelje zaveže? Mesto ovoga sto kilnoga mamlaza?
– Tak je, soseda Jana. Ve da sem ne vuti batovi čižmaj, videl bi on!
– Ivek, vuni me počakaj.
– Pri potni vrati. Ne tu pri koružnjaku, more, soseda Jana? A ti, črevasti, strgal bi te kak suhu slamu, samo da su ne žene poljek – Ivek se naskočil, rekel ljefko noč i fljetno zaprel vrata.
Soseda Jana su još ostali nutri dobre pol vure. Iveka je več počela žgarjavica peči od nervoze.
I komaj se ščakal sosede Jane. Bili su čerleni kak paprika. Nesu šteli reči kaj su još z njimi nutri rešavali.
– Zmrzel sem se dok sem vas čakal, soseda Jana. I ve direkt k Purgeru.
– Nikam ti nejdeš. Zutra sem rekla kaj mu kruha donesem. V osem vur. Bogec se niti stati nemre. Ta gripa je vražja.
– Soseda Jana, to mi je malo prekesno za rakiju. V sedem? Moram videti dal su ovi dva dišli z altom.
– Rekla sem v osem. Oni bodo još denes dišli.
– Soseda Jana… znači… komediji je kraj? Vuto ime bi morali malo rakije…
– Ljefko noč, Ivek. Ja se moram naljuknoti poslje deset kaj ovi dva zanavek odiju. Zanavek… Purgera si ostajim za kraj.
Soseda Jana je žepa zela papera de je se pisalo. Črno na belem.
Nesu zabadaf stari ljudi rekli: Nori pamtiju, a spametni si zapišu.
I na zadnje se… potpišu.
