Došlo je vreme da si jempot u lice skrešem ono kaj me ide.
Denes v jutro zodnjeg dneva 2012. otišel sam v šekeret (veliju v kupaonu) i pogledal se v špiglin. To kaj sam videl bum vam spripovedal. Jedno oko je vidlo sliku pristalog muškarca 60-tih godina, a drugo (ono bez dioptrije) nešto kaj se riječima opisati neda.
Za pet rana Božjih ma koji sam ja? Onaj kaj ga vidi lijevo oko ili onaj kaj ga vidi desno oko? Tko sam pravi ja? Počinje blaga nervoza koja prerasta gotovo u paniku kad sam se zapital. A kak se ja tak vidim, kak me drugi vidiju? Kaj si misle o meni? Jo bogec velim samo ono kaj mislim da je tak. Ako to ne paše levom joku morti paše desnom joku. I evo denes tu pred špiglinom v šekretu nemrem a da ne lojnem ono kaj me tišće i srbi.
Božić je za nami a por vur nas deli od nove 2013.
Denes čujem samo pitanja. – Kam pete na doček? Gde ste čakali Božića? Denes si kaj moreju dospeti v medije kvocaju o obiteljskom blagdanu. Bi se morti i složil s tem. Ali gde je vrogu obitelj. Pogle tu pri nami v Draškovcu. Saka hiža je bila puna družine kaj so morali na pormi spati. Ni bilo mesta f hiži a ni dost špapmetof. Od dve tri obitelji si mogel napraviti udarnu brigadu. Deca so se delala po Božjoj zapovedi. A kak i ne bi. Po dvo tri sina sa ženam so spoli v isti hiži. Ak je jeden špapmpet zaškripal on drugi je je znal kaj se dela i hapil se posla. To bogčija i spanje v jedni hiži bila je bolja stimulacija od Viagre. Deca su dohojala kak na beskonačni traki. Za božić ni bilo mesta pod stolom. Si su šteli spati na slami.
Nad jampot obitelji so se počele rastepati. Nemreš decu samo štoncati. Treba i hroniti i obločiti. Naj prejdi, Zagreb, Slovenija, Austrija, unda Njemačka, Švicarska i druge bogote sredine počele so “jesti” našo decu. Domaj so najprejdi ostole žena i deca, a unda malo pomali i dišle i one s decom za moži. Ajde bilo je teško. Drugač se ni moglo. I kaj nam je denes ostalo?
Po selima prozne hiže i grunti. Jen ili dvo storci, sčusnuti kre šporheta pergledovaju požotjele slike. Soza v joku a v prsima samo nekaj tišče i tišče.
I nemre moj jezik a da ne pita. Jeste na Božić išli glet prvog soseda. Čestitati mu Božič ili bor šteru lepo reči reč ? Ne. Teško je prejti por koraki. Leži je zdići telefona ili poslati SMS. Leži je reči da se nema cajta, ili kaj ne vidiš da počinje Larin izbor, Gulu ili Suljo Veličanstveni. Da ga ni ovih velkih štacunof ili kak vele “šoping centri” gde bi sreli čoveka. Nejdu si tam kupuvat. Po sele dneve znoju sedeti kraj kovice ili sokiča i reči šteru reč s poznotim i nepoznotim. To je nihov celi društveni i obiteljski život.
I dok nam na polnočki svećenik, biskup, ili Papa prdekuju o vrednosti obitelji, poslije meše mom to zobiju. I oni i ovi političari na vlosti zmisliju se samo na some storce, da idu s križecom, ili pri izborima.
Tak se i jo pred špiglinom v šekretu pitam. Jesam li onakov kakvoga vidi levo joko ili desno. Komu su svetki veselje, a komu žalost?
Ne znam to moramo reči somi sebi. Pogledati se iznutr i izvuna. I Bog zno kak dogo bi jo vodil dijalog s onim Jurom v špiglinom da žena ni zaružila na vrota. – Buš jempot zišel vun? Kaj boš celi život provel v šekretu? Ima ona praf. Bez obzira kaj je celi život more biti jedno velko sranje nemreš pak ostati som v šekretu. Istina ima i onih kaj vele. Komu je lepo i na dreku si popevle.
“Med ljudima smrdi ali je toplo”. (Miroslav Krleža)
Svima Vama puce i dečki, žene i moži, storci i starice i lepa naša dečica, želim sretnu novu 2013. godinu. Puno zdrovja veselja i sreće.
