Prešlo je Rokovo. Išće smo ni došli k sebi od prošćenja, rodbine, perecov, gibanice, čurki, pečenih goski i gverca, a već smo Leni i ja morali v Zagreb na nekakav sastanek. Ni lefko po te vručini iti na tak dogi pot.
V Zagreb smo došli nekaj pred devet vur. Parkiral sam kraj jednog kioska da kupim cigaretline. Ron kaj sam štel reči dobro jutro, kad mlada dama, onak čistam kredna s mobitelom na vuhu, glasom kojeg se ne bi posramio ni Šaljapin priupita: Šta ošššš?
Ne vjerujući sam sebi da sam to čul, požerok mi se stegne i zapišćim: Kaj ste to rekli? Ma reci ti šta oššš, zar ne vidiš da razgovaram, ponovi ona. Leni me poćne vleći za rukav jer je znal kaj bu ve. Nekak sam se pribral i ognjištarki, na svom materinjem kajkavskom lepo objasnil. Je bi jo vas mogel prositi škatulu cigaretlina? Ona gledi vume i dalje kvoca na mobitel. Ma oklem si ti, pita ona mene. Ko te razumi? Reci ko čovik, šta oššš?! Mlada gospodična je bi vi meni šteli prodati škatulu cigaretlina? Ajme gospe moja… Oli si ti mutav?!
Ja njoj povrnem. Je bi jo vas, je bi vi mene, jebi vi mene, jebi jo vas. Vrog zna kam bi to došlo da se Leni ni fteknul – ma dajte mu kutiju Ronhila. Pa što ne kaže? Što ne kaže rvacki da ga razumim. 20 kuna. Leni me odvleče do Megana i pravac Jarun na sastanek o razvoju športsko ribolovnog turizma.
Vu meni je se drhtalo od onog “šta oššš?”, tak da sam večinu sastanka bil v drugim mislima. Nakon sastanka, prešli smo na malo trdeše, a bogme i na tekuće probleme. Roštilj je bil fin, silvanac zdeni baš kak treba. Čistam je pasal. I se je bilo dobro dok Mate, Dalmoš, oženjen našom pucom (i gost nam, neki dan na Rokovo) ni počel.
Ajmo judi zapivat jednu našu. Stavi prst u uho i poput jelena u vrijeme rike zaurla: …digla mala nogu, ona hoće ja ne mogu ooooooj… Zastane i pogleda nas – ajde prihvatite. Koju vražju mater da prihvatim? I kak strela črez misli mi preleti ono od jutros – šta oššš? Daj Mate ne znamo ti mi tu “našu”, velim mu ja.
Pogleda me ispod oka i reče: Opaaa… Gospodin Lajavec se pravi fin. On bi piva valcer, tango. Znaš li ti Lajavec da je ovo iz dubine mog srca? Iz mog rodnog kraja. Ma znam Mate, znam. Ali daj bumo onu “Ribar plete mrižu svoju” ili onu “Da te mogu pismom zvati”. Mate me gleda preko stola i kesi se što mu ja govorim. Ma pivat ćeš ti Lajavec i gangu i ojkaću. To ti Mate kaže. Što ti misliš da je Mate doša tamo iz pripizdine i da ne zna drugo nego ojkat?! Da sam moga jist kamen nikada me Zagreb vidio ne bi. Ti si jedan običan lokal-patriotski šovinist. Tu sam stisnul zobe da mi se skoro gebis pretrgel.
Leni me drmne za rukav, ma daj ga pusti na miru. Vidiš da je preveč spil. Ak pije nek pije v rit, a ne v glavu, velim jo. Ma pusti Lajavec idemo. I spravi me on u Megana i prejdemo k meni na Srednjake doma jer nam se Međimurje vidlo dalko i nekak megleno. Vidiš Len, velim ja prijatelju, svakog dojdeka dočekamo ko ljudi. Furt se pitam kulko je ljudi došlo k nam v Međimurje otvorenog srca.
Kulko njih želi prihvatiti naše običaje i vrednote s kojima se od navek štimamo? Taj klipan Mate nigdar ne bu razmel da su se moj i tvoj deda pelali v cugu dok je njegov jahal na osleku.. On bu navek zadržal svoje običaje i navike. Ja ga razmem da je on tulil iz srca. Kaj ni mogel zapopevati nekaj kaj si znamo? Kaj on ne razme da i jo imam srce i da bi i ja štel svoju popevku zapopevati? Nišče od njega ne išče da se odreče svega podrijekla. Ma pusti veli Leni. Znaš da te bu zutra nazval čim mu ispari alkohol.
Zutra, zutra. Se bu bolje zutra. Zakaj ni zapopeval “Morgen” pak bi ja razmel? Svi vele da bu zutra drugač . Kulko let čokam to zutra. Bolje zutra. Da i mene razmeju. Celi život poštujem kaj pred mene deneju. A kad jo išćem samo falačec poštuvanja unda mi veliju zutra. Bemti zutra i prek zutra. Razmite me denes.
