– Purger? Purgeeer!! Fljetno otpri vrata!
– Pol noči je, Ivek. Kaj se dogodilo? Si ti svoj? Još mi je pena na glavi, tušeram se.
– Dej pusti penu, nikaj ti nabo, otkljeni vrata kak Boga te prosim. Ako treba klječeč ti na kineskem zgovorim … Zima, ključa, škljoc, škljoc. Ja bum ponorel z vami. Ja bom pak počel piti… ja bom…
– Ma dej, Ivek, nemreš več piti nego piješ. Kaj je novoga? Mene več z štreke nemreš shititi, ja sem, još malo, mladi mož i tatek. Zvezde su tak reklje, a ostalo se poklopilo i ve bote dalje morali bez mene. No, ne velim da nate smeli dojti k meni, nego onak, nezgodno ti je to, znaš čez kaj smo se prešlji i kaj preživelji, strah me kaj to Veronika nabo razmela.
– Purger, pol noči je, sigdi se slavi Vincekovo, pešačilo se po bregima, maškari samo kaj nam ne plešeju pod obloki, sneg bo zapal, ti boš japa, pili bomo kak Rusi, Veronika more razmeti ili ne mora, jer to je ne samostan nego ludistan, ali meni je za moju staru pajdašicu, pri srcu me steže, tu, razmeš, pri srcu junačkome. Ona, koja nam je navek se dala. Nemrem ju ostajti na cedilu… Nemrem!!!
– Ivek, o čemu ti to? Nekaj se dogodilo? No fljetno mi reči. Glje ga, drži se kak posrani golob!
– Gle, purger, ja ti ne znam kaj je te ženski došlo. Morti kaj je za tebe čula trače po selu, more biti da ju pri srcu peče, more svašta biti, ali soseda Jana, ta velika žena od reči, jako je žalosna. V depresiju je pala, tak ji je doktor rekel. Je to glaboko?
– Joj, bedaček, depresija je ne zdenec. To znači da je malo žalosna i da ju bo prešlo. Radi nečega se žalosti, nešto ju je morti uvredil, a i ženama ti tak zna dojti dok nemaju onu stvar pri roki. Negda su moj japica Gusti znali reči… Dober komad, mir u kući. Mislili su na onu stvar, znaš? Ako žena dobi, cela hiža je vesela. No, istina je da su japica stalno v škednju spali, pak ne znam da bi kaj z mamicom spravljali.
– Jesi ti, purger, smešen. Pa kaj se to mora samo v noči delati? Jempot su pred krčmom dečkima koji su išli na nogomet bedastoče prepovedali. Sljučajno sem tam sedel pak sem čul.
– Ti si sljučajno f krčmi sedel? Kaj mi još naš povedal? Kaj su japica prepovedali? Su ne morti kaj prostoga, ha?
– A bogme jesu! Rekli su da su svoju čer, to bi došlo tvoju mater, z mamicom maznuli na velki tikvi. Kaj boš, došlo njim je i tak se tvoja mater pripetila. Naslonili su mamicu i žuk! Ono kaj su dalje rekli nam ti povedal.
– Naj ve, nam ti povedal. Kaj su dalje rekli?
– Rekli su da je tvoja mater baš trda kak tikva. No, naj zameriti, fanj su bili pod parom. Dečki su si poseli kre nji i bil je celi sejem. Kak da bodo izbori. Jaaaj, kaj sem zabil.
To sem i došel. Reči ti nekaj jako, jako važnoga. Ve boš ti na rit opal, kak sem skoro i ja. No dužnost nam je ženi pomoči. Tebi je navek bila pri roki, meni je bila pri roki, štimala nas kak retko de što koga štima. Ono, kaj se sosedi Jani događa je ne šala! To su tak ozbiljne stvari kak da su dve pive i dve pive, štiri pive.
– Dosta!!! Ve je dosta!!! Ili reči koj te vrag na pol noči donesel k meni ili te bom hitil vun i zakljenol vrata! Bodi srečen kaj nemam koružnjaka. Zmrzel bi se kak led v škrinji. Brzo, otpri lampu i ne, nebum išel v pelnicu! Pol noči je!
– Za Boga miloga, ja k tebi dojdem po pomoč, a ti si škrti za čašicu žganice. Njo imaš v kredencu.
– Da čujem, škorjanec! I unda megla. Dimo spat, a ja kaj si soponicu sperem sebe.
– Znači ovak, purger. Napni vuha kak zajec! Soseda Jana veliju da idu zamoš!
Ne, veliju da pod hitno moraju oditi zamoš, jer je tak več ne moči.
Več su pri župniku na spovedi rekli da moraju nekoga najti kaj bo z njimi spal. Fala Bogu, ja sem župniku isto tak den predi na spovedi rekel da sem malo zakazal v seksu i da se bo to poprajlo.
– Jajsiga meni, Ivek, kaj bomo začeli? To je ve ne šala. Kaj njim je dospelo?
– Purger, i to je ne se. Ima još nekaj. Kaj strašneše nemre biti.
– Kaj??
– Soseda Jana su rekli da mora biti političar. On ima peneze i da se njim putuje i dobro kaj ga nigdar nega domaj. Strašne stvari očeju soseda Jana. Mislim da ti delaju truce.
– Kaj njim je doktor rekel? To je več ne šala. Bokibogme.
– Dal njim je tablete. Ali, purger, niti to je ne se!
– Dej, jena vura je v noči, reči i idi. Ve nam mogel zaspati.
– Soseda Jana su rekli da idu zamoš. To je kak v kamenu fkljesano.
– I? Kaj još veliju?
– Rekli su da bodu iskali dok ne najdu i da mora biti… mora biti…
– Mora biti? Političar. Dobro sem čul. Kaj se ceriš? Ivek?
– Dragi moj pajdaš, rekli su ovak: Ivek! Moj dragi mora biti političar! Ali najljepši!
– Političar, ali najljepši! Ivek, ve me zajebavaš.
– Ne zajebavam.
– Dobro, Ivek, hodi, idemo si spijemo žganicu. Takvoga nega. Mam mi je odlehnulo. Sopunicu si sperem zutra.
