Među prvim sjećanjima Elizabete Toplek sjećanje je na oca Franju i djeda Josipa…
– Japa Franc je bil cimerman i terenski čovek.Delalji su moste, a jemput je tijam dišel v Šamac. Delal je rušte na hižaj. Po selu je posla pogađal… na prek. Grede su meštri krojilji domaj, a mi deca, moralji bi držati špagu. Se je moralo štimati.
No, deteča roka je slaba i špaga se navek pomeknula. Dok se to dogodilo, japa je vikal. Navek me bilo strah, elj na japa baš meni rekel špagu držati. A dok se vračal s posla, f torbi je saki pot za nas imel šnjitu kruha, jabuku ili kakvoga suhoga kolača.
Jemput nam je Šamca donesel perece. Mama ga špotala zakaj peneze troši, a pri hiži su treba za fnoge druge stvari. Dok smo perece pojelji, popevalji smo od veselja kaj se japa srečno vrnul. Pesma je ne bila nikaj čudno v naši hiži. Saki den se popevalo, jer nam je to davalo dobru volju.
Japa je bil poznati kak veseljak i dober čovek. Dok se z mamom oženil, došel je od Židorovi k njezinima za zeta. Njegova brača su se poženila, a pri Židorovi hiži ostali su samo starijapa Joži i najmlajši japin brat, isto Joži. Njemu su starijapa zapisali grunta i celo gazdinstvo, a splačati braču bi kakti moral, poslje starijapine smrti.
Starijapa su se doseljili
Zmisljim se, bila je zimska večer. Mogla sem meti oko štiri ljete. Si smo se greli oko koze šporheta. Mi deca smo se igralji s kocenjem. Mama je za stolom, pri lampašu, graha zbirala. Japa je sedel prek pota nje i pripovedal ji da komaj čaka protuletje kaj se posel otpre. Najempot je nešto jako po vrati poružil. Japa se brzo stal i otprel.
-Ve ako me naš zel k hiži, unda bom moral od gladi hmrti elj pak se zmrznuti – čula sem kak su, bez dober večer, reklji starijapa. Japa je starijapu, bez ijene reči pustilnuter.
Tjeden dni je prešlo, starijapu je ništo ne iskal. Nakon tjeden dni, potuljeno je došel sin Joži i z ganjka pital:
– Kaj, je on tu?
-Što…on? – mirno je pital japa.
– Kaj što? Pak japa! Je tu?
– Unda reči… japa! Jer to je naš japa, a ne…on – špotal je brat brata.
– Ako je tu – oglasil se pak sin Joži – vun ga porini!
– Ne, Jožo, još i denes čujem japine reči… ja imam decu, očem njim pokazati da je mamu i japu morati brigovati.
– Dobro, vikal je stric Joži – ali ja ti od hiže nikaj nedam! Nikaj ti nedam z grunta! – s tem je rečima odišel i neje več došel. Njemu je ostala herbija, a nam starijapa, niski čovek čerljenoga lica. Mi deca melji smo ji radi, makar su imelji svoje mušice v glavi. I gorice v Orešcu i v Ropačaj. Si smo išlji pomagat brat dok je grozdje dozreljelo. Najpredi su nas dopeljali pred jen trs i zapovedalji:
– Ves se naječte, a poslje ne več ščipati!
Malo su nas zbesilji, pak smo ščipalji skrivečki. Pobralji smo grozdje, nastalo je dvesto pedeset ljitri vina. Namestilji su lagva f pelnicu, a pelnicu šteli zakljenoti. No mama je dela roke f pojas. Ako bo što gazduval pri ovi hiži, postajla se kak muški, unda sem to ja. Pelnica se nabo zakljepala. Briga me za vaš lagef i vaše vino!
>>> TETA LIZA Legenda i čuvarica izvorne međimurske pjesme
>>> ŽIVOT TETE LIZE (2) Nečem hmrti na kvartelju
>>> ŽIVOT TETE LIZE (3) Dvesto zlatarski čoni
>>> ŽIVOT TETE LIZE (4) Gospodine, molim dinar
>>> ŽIVOT TETE LIZE (5) Pjesma svakodnevnog življenja
>>> ŽIVOT TETE LIZE (6) Nečem nikakvu pevačicu!
>>> ŽIVOT TETE LIZE (7) Dravski vodenjaki
>>> ŽIVOT TETE LIZE (8) Svati bodo na Valentinovo!
>>> ŽIVOT TETE LIZE (9) Veseli svati se nedaju dimo
>>> ŽIVOT TETE LIZE (10) Materina molba