– Prekopski nevaljaši, vodičnjaka v breg zapraši! To je tak bila reč za one kojima se ne delalo, nego su si seli na strmec i vudičuvali. Posebno se to reklo za dobravski Prekop, de su kre benta z druge strane Drave bile male hižice i največ su živeli bokci koji su zdigli hižice i dneve preživljavali v siromaštvu – rekla je Teta Liza, dok smo sedele za njezinem kuhinjskem stolom. Da samo znate kakve je zdigane kolače znala speči! Ona je živela blizu Drave, a i ja samo jenu vulicu dalje. Samo, njeno detinjstvo ona je preživljavala pedeset let prije mene. Dok se meni bližila pedeseta, njoj se devedeseta.
Itak, znate, moram malo oditi fkraj od glavne teme. Jempot je došel k meni, na samo Margaljetsko proščenje, unda naš najstareši znalec dobravskoga života, dobravski povjesničar Dragutin Šafar. Velki svecki čovek. Zišel je z alta, vozil je s devedeset let, z obadve drvene noge. Donesel mi je svoje knjige i rekel mi je, dok smo se spominali za Dravu, ovak… Dete, Drava ima veliku moč, mi koji smo zrasli kre Drave imamo v sebi nekaj kaj drugi ne razmeju. Dosta ti je kaj ju osetiš pod prstima, ona ti davlje, ali i zemlje. Se reke, pa tak i Drava, nema svržje.
To su fnogi zabašurili i znapak zišli. No, umetniki, oni čuju muziku. Drava je kak žena v dogi suknji koja pleše, oko nje se oseti miris života. I tebe i mene ona je doteknula i povlekla v kolo, ako me razmeš. Nemremo z kola. Dala nam je snagu i moč i rekla nam je. Vi morate teči kak i ja tečem. Doteknuti saki kamen, saku trdu dušu. Sako vuho, roko, sako srce bez ljubavi… Drava ima moč. Donesel sem ti svoje knjige. I jako ja tebe rad imam. Vidim te tu i tam dok v Dobravu dojdem. Ali leta… eh. V ovi su knjigi…
Tako je govorio čovjek kojega sam ja cijenila iznad svega, Dragutina Šafara. Napisao mi je posvete… mojoj dobravskoj poetesi… Dragutin Šafar, kad je umro, bližio se stotoj…
No kaj se mi vrnemo na naše. F Prekopu, vulicama kre Drave, negda su živeli najsiromašneši ljudi. Saki, koj je štel delati, rekla je teta Liza, mogel si je najti nekvoga posla v zidariji, iti za težaka na polje, zasljužiti za preživeti. A si su rekli šterčija je velka. Ako bomo to tak gledeli, unda se ne zna da je bila vekša šterčija, unda ili ve.
PREKOPSKI NEVALJAŠI, VODIČNJAKA V BREG ZAPRAŠI
Lepoje bilo kre Drave. Tem ljudima je bilo dosti kaj si primeju kakvu ribu, nesu mislili kaj si kupe televizora, vešmašinu, vikendicu, de bodo zeli peneze. Mesto toga, mislili su kojemu sosedu se navrneju, par reči rezmeniju. Što bo mel čeharu, koga bodu babe skupa spakovale za ženidbu i tak. Večeri, posebno zimske, bile su doge i ništo si je ne premišljaval kak bo platil čeka za struju, telefon, a internet njim je bil selski bobnjar, on je se znal z prve roke.
– Mislili su puno več na ljubav. Puno, puno več. Ja sem živela skoro kre Drave, na Posrancu, tak su zvali toga kraja. Posranec zato kaj je na gmajni, dalje od nas, pasla se živina z celoga sela. Ak je bilo puno živine, popojdoč je bil i posranec – smejala se teta Liza.
Deca su se puno v Dravi kopala i bilo je puno pličaki. Drava je mela dušu, se je bilo puno zelenjave, a ftice su se čule kak v raju. Saki del Drave imel je ime, več prema tomu kak je bil glaboki… Perišcica je bila najpličeša, elj je zato bilo puno stari kanti nutri, šporheti… Piklin je bil malo glabokši, a na Lenti su se deca več ne mogla kopati. Glavna Drava fest je tekla…
Menša deca največ su se išla kopat f Periščicu pred Ribičeve. Sako malo se nešto na steklo ili na herđavi šporhet rezrezal.
Mi žene, prisjetila se teta Liza, ta leta več menje, ali hodile smo tu veša prat. Deca su ne znala za more i za bazene, kaj god. Tam na Posrancu z druge strani su bila skladišča drva, Hiršlerove kancelarije, pak smo se igrali skrivače.Mali su meli svoju igraču, velki svoju. Cela popolneva. Velki su se činkali, to je bilo jako zarazno. Činkanje. Čak se činkalo na gombe! Nekoji su si z balede zrezali se gombe, kaj su se mogli činkati dalje. Dok smo se igrali, starci su bili menje strahu za nas nego da se kopljemo.
DRAVSKI VODENJAKI
– Roditelji su nam se jako zagrozili i stareša brača morala su paziti mlajšu kak joko v glavi. A bila je jena priča o dravskim vodenjakima. Vodenjakima smo bili jako, jako straho. Bila je reč da veliki kosmati vodenjaki idu vun z vode čim se počne smrkavati i do kojega deteta dojdu, pograbe ga i povleču vu vodu. Deca su v priče verovala i čim se počelo smrkavati, pobrali smo se dimo. Čakala nas je večerja. Grah, žganci, cicvara ili kalamper.
Oni bolje stoječi meli su i kosanu mašču za na kruh namazati. Mi smo ne imeli… – Teta Liza je malo žalosno pogledala v stol. Gledela sem ju kak prepoveda i premočala sem ji da sem, dok sem bila mala, vodenjakima bila najbolje strahu. Tulko strahu kaj sem k teci, koja je mela hižu vu vulici kre Drave, išla čak tri vulice naokoli. A od njezinoga do mojega detinjstva prešlo je pedeset let.
Vodenjaki su bili zmišljeni. No, oni su živi čem pogledam Dravu i čem voda malo zberburi…
>>> TETA LIZA Legenda i čuvarica izvorne međimurske pjesme
>>> ŽIVOT TETE LIZE (2) Nečem hmrti na kvartelju
>>> ŽIVOT TETE LIZE (3) Dvesto zlatarski čoni
>>> ŽIVOT TETE LIZE (4) Gospodine, molim dinar
>>> ŽIVOT TETE LIZE (5) Pjesma svakodnevnog življenja
>>> ŽIVOT TETE LIZE (6) Nečem nikakvu pevačicu!