Pjesma je bila dio njezinog svakodnevnog življenja. Samozatajno se ispreplitala s danima djetinjstva, stapala s tužnim ili veselim obiteljskim trenucima. Bila je uvučena pod kožu ljudima s kojima je živjela. Tu, na izvorištu najljepših međimurskih pjesama.
Mogla je, kaže, krenuti glazbenim vodama. U vrijeme kad nije mogla o sebi odlučivati, već su o tome, umjesto nje, odlučili njezini roditelji. Cijela obitelj je lijepo pjevala, posebno otac, koji je nakon napornog radnog dana, običavao okupiti djecu, pa bi zajedno zvučali poput dobro uvježbanog zbora. Tako je bilo i Božića, 1934. godine…
Božiča 1934.
– Deca, prestanite več jemput, pona su mi vuha – viknula je mama dok smo si v glas popevali. – Liza, na primi Dragija malo, kaj turkinju zemem z kahljaka. Fala Bogu rodile su turkinje i tak su kak bapske riti, široke i debele. Malo tiše popevljite, Badnjak je, čujete? Tiše, Isusek se bu rodil.
Dok si je japa zel plafticu, znali smo da je došlo vreme kaj donese nuter slamu. Rana večer je bila. Nesmo vužigali lampaša dok je ne odzvonilo Zdravomariju. F kmici smo se svadili što bo v noči na slamici spal. Nas je bilo puno, a spati na slamici su mogli samo dva. Zdravomariju je odzvonilo i mam potem je japa pokočil i otprel vrata.
– Dober večer – rekel je.
– Bog nam dej dober večer – odzdravila je mama.
A mi, vudri v smeh. Smejali smo se jer se mama držala kak da ne zna što je pokočil, a mi smo znali da je z druge strane japa. Mama nas je po redu za vuha, a unda smo si si na slamu pokleknuli i zmolili na jen glas. Posle molitve, japa je del slamu pod stol. Na stol smo složili križa od slame, a se okoli deli zrnje pšenice, graha, kuruzu, kaj bo letina dobra.
Kre zrnja smo deli peneze, kaj ji bo pri hiži navek dosta. Makar, navek su falili. Oni, koji su meli marhu, kak naši sosedi Šafarovi, donesli su nuter i sekire i hama. Večerjali smo kompota od suhi sljivi, turkinju i makviče.
Makviči su ti kolači z črne melje, posipani z makom i z cukorom. Ono kaj smo ne pojeli ostalo je na stolu, nikaj se ne pospravljalo do polnočke. Bora so kinčili z jabukami mašonjkami, orehima oblečenima v peno, narezanim koruzinjem i popojdoč popevali svete pesme.
– Hote skupa veselit se, er je došlo zveličenje – To pesmu je japa rad mel. Z njom nas je navek, bil svetek ili petek, dozaval skupa. Dok smo okinčili našega, išli smo glet sosedovoga bora. Sem nam je naš bil ljepši. Polnočki su išla samo stareša brača.
Dok bi se vrnuli dimo, mama bi na sem skupa spekla drobno od kokoši, jetreca i ostalo. I mozga od svinje je spekla, svinju smo zaklali pred sam Božič. Na den Božiča već je bilo drugač. Post je prešel, pak se moglo jesti i masno. V kahljaku su dišale pečene čurke, a k zajtreku si je saki spil i malo žganice za zdravje. Deca su od žganice brehala.
Pevcu se v kljun isto malo naljevalo, kaj se bo znalo što je med kokošima gazda. Dečki su po seli išli bajat.Dobili su jabuke, kolače, a znali su si malo i spiti, pak njim je, dok su se vrnuli dimo, bilo jako slabo. Tak mi je toga Božića bilo lepo.
V kuhinji je bilo toplo, a ja sem stala kre bora i popevala. Pesma mi se otrgavala od srca, a japa, koj se podel zvuna nuter, samo je stal i posljušal. V štrti razred sem išla i znam kaj si je mislil. Pital se v sebi dal je dobro naprajil kaj je gospodi v školi rekel da nedem v muzičku školu v Varaždin.
HOTE SKUPA VESELIT SE
Hote skupa veselit se
ar je došlo zveličenje
Tam v Nazaretu je
V Betlehemu Jude
Leži v mrzloj štalici
gol na tvrdoj slamici
Počivaj i spavaj
nunaj spavaj malo dete
Svi ga taki pohodite
v miru naj počiva
Ovo dete jako lepo
vama tako kak kraljevsko
Njemu je ime Jezuš
Tak je angel nazvestil
leži v mrzloj štalici
gol na tvrdoj zemljici
Počivaj i spavaj
Nunaj spavaj malo dete
svi ga taki pohodite
v miru naj počiva…
>>> TETA LIZA Legenda i čuvarica izvorne međimurske pjesme
>>> ŽIVOT TETE LIZE (2) Nečem hmrti na kvartelju
>>> ŽIVOT TETE LIZE (3) Dvesto zlatarski čoni
>>> ŽIVOT TETE LIZE (4) Gospodine, molim dinar