– Storo drevo tre poseći kaj bi moglo mlodo rosti.
Tim rečima uz već uobičajene izraze sučuti, (prilikom iznenadne smrti mog oca 1981.) gospon Leonard Švenda tadašnji šef željezničke stanice “Kraljevec – Prelog” ukazao je na jednu veliku istinu koja je toliko prirodna da ju gotovo ne primječujemo.
Nigdor se nisam bavil politikom, pak ne bom ni ve. Moj, pajdoš Kusa, bivši precednik sindikata v jedni naši zadrugi, veli, da v tomu kaj jo pišem ima več politike nego v Saboru. No, bom vam povedal, pak somi presodite, gde je tu politika?
De je tu vrožja politika ak se govori o delanju dece.
‘Proizvodnja’ dece je nekaj čistam drugoga a ne politika.
Kaj mislite da so naši stori gda su se vrnuli sa štreke ili bauštele bavili s politikom.
Figu. Bilo je onak. Kiklju gor gače dol i dalje si zamislite.
Puno je ljudi vuni delalo ali naša, kak denes veliju, demografska slika ne bila tak huda.
I tu ve dojde v pitanje ono kaj denes ove političke glove nemreju razmeti.
V jedni hiži spole so dve tri generacije. Stori japa, i dvo tri sini sa snehami.
Špampeti so bil visoki, pod od deski, blazina punjena s ljuščinjem od kuruze, a pokrivalo se s dunjama, od perja. Bili su naprovljeni od punog dreva a ne od iverice i cviljeli su veselo, u duru a ne u molovski tužno. Razlog? Uključite maštu.
Ak se samo jeden por prijal “posla” u smislu stvaranja potomstva, uz škripu kreveta, uzdahe i stenjanja još bi netko dobil volju, da se poigra.
Muži vuni a dece kak pljeve. No dobro bilo je tu i podmetanja kukavčjih jaja.
Nišče ni pital zakaj so, jen dečec ili pucka, malo bolje črnokožni. To vam je kak i z jelom. Ak dobro ne promešaš, a jogenj joki, zagori, počrni.
Gda so žene, hodile bez gač iz sake hiž čul se dečji plač.
V jedno određeno vreme razvoja ženske mode v Međimurju nekak se ne vodilo računa o intimnom rublju. Gače so tam do početka pedesetih bile kak ti luksuz. Naravno se se delilo na točkice i radničke karte.
I saka žena koja je delala na visini vekšoj od dvo metre mela ja pravo na gače. Ostale brus. Tu je bilo puno lepih momentov. Nejte zobiti kak se borilo šteri dečki bodo hitali snoplje na mlatilku, (dreš), ak je gori snope rezala mlode lepa puca ili sneha.
A bogme dok se čakal red, znalo se to otegnuti celu noć, a drugo jutro se gazda od kuruze kraj Zelenišća pital kakve so to svinje zništile njegvu kuruzu.
I nek mi samo nešće proba spomenuti kakva je denešnja mladež.
V kakvom vremenu živijo, oni so čisto zloto naspram onoga kakvi smo mi bili.
Istina nismo meli televizore, spametne telefone, i nekaj kaj ovi mlodi bokci nado meli nigdor.
Meli smo kuruze. Domoće osmoretke. Dvo, tri, pot okopane i ogrnjane a protiv drača se ne špricalo. Drač se brol v plofte.
Hrona za ekološki uzgoj svinja. Broli smo mi deca.
No kak smo zdravo i veselo živeli na domočim žgoncima i makarunima, a takva hrona (stopram je ve dokozano), vudri čoveka tam med noge. V sjemenište bi rekel moj pajdoš
Šmrkljivi Francek. Pa kak neš una rekel pajdašici kaj je dvo rede dalje brola drača,
– Verica daj mi jo pokoži- A nesi imal kaj videti. No koli srca te nekaj žegetalo i bil si vesel kak radio.
Kak deca smo širili svest o natalitetu i velki demografski važnosti.
Zmislite se pajdašice i pajdoši kave so gače negda moži nosili. Široke, od domočeg plotna ili kupovne prozračne s nogavicami da bi v sako stalo 25 kil kalampira.
Osnovno reproduktivno sredstvo, ili po domoćem meštrija bilo je izloženo temperaturi pogodnoj za reprodukciju.
Bili smo cug mašina kaj se tiče poboljšanja, demografskih neprilika.
Kak so se gače negda prole?
V ljugu (lužini) i buhale su žnjimi po koritu kaj se čulo na dalko.
Kiklje su bile zafrknjene iznad koljena, a bjelina stegna tirala te u prve redove boraca za poboljšanje demografske slike.
A žene kad so mele mesečnicu narivale bi v gače pol pamučne fabrike. Denešnje puce i žene imaju tam neke tampončeke Alwajs nutra, pardon, alwajs ultra.
I ve se pitam kakav je ono gel koji s tako malom površinom može upiti toliko tekučine.
Ne znam uljko je to zdravo za žene? Ima li to učinka na demografiju?
Ne bilo plavog radiona i fosfata. Ne ga bilo gljivica. Jojca so se čohljala onak iz navike.
A žene, snehe i puce so bile pripovest za sebe. Obrazi so im bili kak črljene jabuke. Dečki so naročito štečali za onima malo širšima, z velkim ceckima i trdim riticama.
Moj stric Đermadi iz Čukovca znal je reči za puce z veljkim ceckima.
– To je puca kaj z jednog cecka tri kosce napoji.
Dobro bilo je tu i tam malo trahoma a oni uz Drovu, mislim na moje Oprovčane bili si malo kehljavi. Z jodiranjem soli postali so kak cukurek.
Ne razmem zakaj tuljka vika koli demografije. Kaj boš delal deco kad i on jedini ili jedina nemaju kaj na gruntu delati.
Denes nema kravica, tu i tam štera kokoš, pajcek, a peseki i močki so zakon.
Za seks u smislu reprodukcije i povećanja stanovništva nisu na m trebale škole.
Bili smo samouki.
Istina bok malo instrukcija smo dobili od nekšne dovice.
Tu bom stal. Soze mi idejo na joči kad se zmislim moje pajdašice kaj me nafčila hodati
i prva mi pokozala kak je v raju a denes joj vužgem svečicu.
Stoga najte špotati mlode. Mi stori smo im stvorili to kaj imaju.
Mi stori smo govorili: – Ak sem jo ne mel naj moje dete ili vnuki imaju.
Denes si nekaj imaju a niso zadovoljni.
Nismo meli nikaj a bili smo zadovoljni.
I denes je se isto samo su tehnologija i vreme vušli dalko, pak nam je težeše šepati za njimi.
I na kroju sam došel do zaključka da mi i tomu demografskom pitanju stali na kraj.
Mi međimurci smo kak telčeki. Samo se med noge rivlemo.
Došlo je vreme da bomo zemljice i grunteke bronili ni s puškom već pipmpekom v roki.
