A kaj sem i drugo mogel čakati od toga šlajfara nego kaj mi na Valentinovo več v pol sedem poruži po obloku.
– Si buden? – piskutavo me dozival. Ja sem čul čez sen, ali sem se ne mogel prebuditi. Se sem mislil, bu odišel k sosedi Jani na žganicu i ostavil me na miru. Kad ono, opet je počel
– Der znal kaj ti očem reči, mam bi skočil na noge. Deeej, oglasi se.
Dobro, ne moraš, bu ti žal. Jako žal.
Ja sem bil bez glasa i nesem opće denešnjega dneva štet potratiti z mašinom za šrot. Te bi pak mljel, mljel, a denes sem vam ja, bi se reklo, v drugem filmu. Nesem vam rekel da sem se pred puno ljet trebal oženiti z Veronikom, ma bolje da se ne zmišljujem…
Sreli smo se tu, na Dravi, dok sem ja bil pri mamici. Ona je bila fanj puca. Tu, domača. Dok smo se pogledali v oči, znali smo da smo jeno za drugo.
Bili smo još mladi, ja sem se tek zaposlil, a ona je zaveršila prvoga srednje.
Si su govorili, ma pusti ju, ona ti je z čudne familije. Mislil sem si, bedaki jeni ! Ona je tak draga i mila…
Se do jene nedelje dok sem se moral vrnuti v Zagreb. Štel sem kaj se bomo još prije toga vidli i kaj ju stisnem i kaj mi obeča da bu samo moja.Čak sem na stran od plače nametal peneze za zlatni prsten.
Došel sem pred njezino hižu i kamenčeka hitil v steklo. Nikaj. Nikaj se ne pomeknulo. Hitil sem drugi pot, a unda su se naglo otprla hižna vrata
– Kaj trebaš? – rekla je njena teta. Ta je bokibogme govorila kak kočijaš. I njezin brat isto, mislim Veronikin tata. Mama ji je hmrla dok je vu vrtić išla. Žena je pala z črešnje i za dva dni hmrla. Veronika je bila, tak su ljudi rekli, njezina slika i prilika.
– Veroniki sem, sem ji, štel sem ji, Ve… Veroniki nekaj reči… – mucal sem jer je baba bila kak muški.
– Veronika je fčera navečer odišla v samostan. Mela je dogovoreno još prošlo ljeto. Japa ju je tpeljal.
– Kaj??? V samostan??? Ste vi nori???
Vikal sem kak nori čovek, a žena je mirno zaprela mi vrata pred nosom.
Kaj da vam velim, pokleknul sem si pred njezinemi vrati i plakal sem se. Zakaj mi je ne povedala? Zakaj najemput, tak naglo?
Morem vam reči, negdi dalko pod kožom ostala mi je kak trag čižme v snegu. Znam da sem bežal do Drave, štel potonuti, ali nesem se uspel ftopiti…
I tak su išla leta… ja sem ostal stari dečko… Od Veronike ni traga ni glasa…
Nakon pet let, dok je hmrl Veronikin tata, Veronika je bila na sprevodu. Ostajla mi je pismo, koje su moja stara mamica dogo čuvali v drveni lajci. Ja sem po Zagrebu gledel žene, ali niti jena je ne bila kak Veronika. A unda su mi, tak za jeno Valentinovo… dali pismo.
Roke su mi drftale kak da sem na lutriji zahakljal. Pisalo je… jaj kak je lepo pisala. Po štacunjski. Gospodski.
Dragi moj,
ne volim neke dane. Čine me hladnom i nepomičnom.
Kao da je udahnuo dušu mi netko u prolazu, tražeći sklonište od života. Ja sam prolaznica kroz život i koliko god se trudila… ovozemaljska ljubav nije za mene. Poklanjam ju sve onako da se ne bi stvorila neka nakupina i zaustavila me na kamenjaru, mene, rođenu da ljubavi za vječnost ostavim sebe.
Čak i u pepelu, koji će svoje sivilo obojiti u boje ljubavi hraniti će septice i naći me sazdanu u vječnosti. Ne treba mi ništa. Imam sve. Kažem tako jer mi život nije dao tebe.
Da imam tebe, ne bih imala ništa osim ovozemaljske običnosti.
Dan ljubavi je prolaznost i ja znam da će doći neki drugi dani. Oni koji žive ispod moje kože kada svi drugi vape za životom. Jednom sam ih živjela. Prolazili su, a ja sam znala da ću otići i da se neću vratiti.
Kroz onaj puteljak života gledao si prema zapadu i hodao, hodao… Što sam mogla reći? Da te čekam u zoru sa molitvom i rosom u očima? Kličem radosti i snazi koja je moje srce učinila hrabrim i samotnim. Ne brini. Jednom ću ti se vratiti. Ne brini. Jednom i nije tako daleko. Moraju se pogasiti svi biseri koje si sabrao u šaku naše ljubavi.
Tada si možemo u zagrljaj pasti. Umorni od čekanja i gladni od rumenih praskozorja.
Ne volim ove dane. Ne treba mi ništa. Imam sve. Kažem tako jer mi život nije dao tebe. Ali ne brini, ti ćeš mi jednom doći, znam. Ili, jednom ću ti se vratiti…
Obećavam, kao što si ti meni obećao svaki put kad je vlak kretao za Zagreb. I plakao si.
Gorak je okus ljubavi kada te život iskušava i na margini ljubavi ubire plodove čekanja.
Zato, jednom ću ti se vratiti. Ti me čekaj na ušću. To ti je ono, kad prođu godine i kad još uvijek čuvaš u srcu plamen ljubavi.
Ti si u mojim molitvama. Jesi li sretan? Jesi li…
… Veronika…
Dok sem pred mamicom te večeri prečital pismo, jako dogo sem se plakal. A mamica su rekli ovak…
– Sinek dragi, posluhni ženu koja je dosta stara i od tebe zna puno več. Došel bo den, dok boš razmel zakaj je tak moralo biti. Ako vam je sođeno, ona bo ti rekla zakaj je morala oditi. Ili se nekaj dogodilo. Ili su ji njezini branili ljubav s tebom. Ja sem jo slabo poznala. Samo znam, ljudi su posle prepovedali da je njezin japa obečal nekaj njezini mami dok je hmirala. Gle, kaj da ti god rečem, znam da boš pak tulil kak vol.
Naglo sem se stepel. Pak sem, na Valentinovo, v roki imel njezino pismo. Prešla su ljeta, mamica Rega su zdavnja hmrli, ona se ne vrnula, a ja sem spal na to, kaj perem hrpta dva put stareši dovici Jani saki tjeden bar jempot. Zbrisal sem si soze.
Nešto je jako pokočil. Što drugi nek te mali šlajfar.
– Kaj ve pak očeš? Nega me domaj denes. Odišel sem
– Ne zajebavaj, vidim da si tu – rekel je moj pajdaš i zbrehnol se.
Znal sem, čim se čohljal po riti, da pak ima v rokavu nekaj mi jako važno za reči. Znam i to da se saki pot nakon njegovi veliki “važni stvari” napijemo kaj ne znamo zase.
– Nekaj ti moram jako, jako, jako važnoga reči. Za tebe važno.
Evo, kaj sem vam rekel. Pak je našel razloga za piti.
– Kaj mi se dogodilo tak gorečega, a ja za sebe to ne znam, ha?
– Ona je došla. Ona! Verica. Veronika !!! Videl sem ju, a soseda Jana mi je rekla nek ti ne povem. Sejeno, ti si moj najbolji pajdaš. Moram ti povedati. Inače ne bumo pili, kaj ne?