Jesen je tu. Pobira se ono kaj smo zasadili i brigovali. Berba vele za ono kaj mi međimurci zovemo brotva. Ak imaš puno za brati, a družina ti je mala, v brotvu pozoveš pajdoše, rodbinu, a neki dojdu onak kaj bi samo vidli kuljko si nabral. Takve mom treba stirati kaj ne bi došla kontrola glet da li nešće dela bez ugovora ili ne. Najbolje je mesec dni pred bratvu dati v oglas nek sa javiju oni kaj imaju prezime Pongrac ili Igrec tak si unda bez brige jer moreš reči da su ti rodbina.
Ve so pok zmislili da po šumama idu kontrole i vožeju kuljko si vrgonji nabral. Ak je prek tri kile moraš platiti. Ma pitam jo njega šteri bi se vupal dojti meni v moju šum glet kaj jo delam z mojimi vrgonji. Bemti kak bi ga jo počohljal po pleći. Z druge stroni pak si mislim da morti imaju praf.
Ne jim za vrgonje. Oni bi samo šteli da čim menje ljudi ide v šumu. Roku na srce v šumama je puno toga započelo. Vrog ne spi. Mi v Dolnjem Međimurju nemamo brege kaj bi posadili gorice. Pri nami je kak se ono veli tikva najvekši breg. Kaj mislite da je to razlog da ne beremo grozdje. Brus. Imamo mi lepe i velke brajde s ekološki uzgojenim, direktorom, nohom, izabelom, futakom i drugim sortama štere je dost jemput pošpricati. Moštek već v lagvima pomali šlafuri, šljebekuje, brblja a vidim da se z onima koji so broli med prvima već pomalo šoli i na veselje tira.
Puno toga je za brati i saka pomoć je dobro došla. Tak nam je došel pomogat i som minister financija Slavek Linić. Bogme čovek kaj zno kak brati. Ni samo da zno brati već i obrati. Meni su na njegve lepe reči ove tri dlake na glovi skočile v zrok. “Vi u državnim poduzećima više nećete na Međimurce prebacivati kredite za ceste, gradilišta i preskupu struju. Dosad se tako radilo, ali više neće jer svi moramo biti štedljivi. U sredinama poput Međimurja, gdje su se i dosad ponašali racionalno i sačuvali vanjska tržišta, trauma neće biti, za razliku od onih županija koje nisu spremne za tržišnu utakmicu.”
Tak je rekel gospon minister Slavek Linić. Olinjalo, poznoto, i od te izjave počele su nam noge drhtati kak pesu dok sere. U prevodu do ve je to bilo ovak. Već nemam komu zeti. Ve ste ostali vi Međimurci pak bomo tu pri vama zagrabili malo već nego do ve. Spremni smo mi za tržišnu utakmicu, samo kaj nemremo dojti do igrališta. Autocesta nam je preveć droga, a na nju nesmeš s traktorom, a s cugom se peljamo kak i 1957. Četiri i pol vure do Zagreba.
Praf vele stori ljudi. Mala deca pokožu jezik, a bedoki peneze. Koju vrožju mater se imamo foliti kak nam “dobro ide”. Tak se i moji Draškovčani faliju s cirkvom kaj ima dvo turna, a ne misle da bi mogel nešče reči. Ehaaaa. Stani malo. Jeden turen vam je preveč. Treba ga preseliti onima kaj nemaj ni jednoga. Ipak V Draškovcu so se našle i pametne glovice pak su fletno zadrbali mesto gde so našli zloto. Deli so dve tri vedrice na stron kak ti za analizu, i još fletnejše naprajli fontanu.
Ne bo naše zloto nišće nikam nesel. Naj bo tu pod zemljicom. Ne znam kaj bo zu onom toplom vodom kaj soj o našli još tam 197… i nekog ljeta. Bogme dogo so vrtali i iskali naftu. Na kraju je ispalo da smo postali bogatejši za toplu vodu. Kam bomo nju skrili pred financima? Dobro ne smemo pozobiti i nekaj fačukov, kaj su naftoš zvrtali . Fola Bogu dece nigdar dost. Naj so samo živa i zdrava. Zmislite se samo one parole v socijalizmu. “Imaš kuću, vrati stan”.
Denes fola Bogu takvih parola nema. Caru, carevo, Bogu božje a nam ostaje ovo. “Imaš kuću bumo ti i nju ovrhom zeli jer leto dni nisi platil pretplatu za HTV. Ne buš ti državu cecal.” Ničega se tak ne bojim kak toga da me nešće počne fejst faliti. Jaj si ga možo kaj ga žena foli. Ili ona ima šoca ili je on bedaček ili šlaprček. Ak mene moja žena počne foliti mom bi se zesral v gače od stroha kaj ve hoće.
More nas Slavek Linić foliti do neba. Ali v Međimurce se naj ne ftiče. Moglo bi biti one: “Drži vropca za jojca”. Našo pamet, radne navike, našu ljubav za Međimurje moreju samo gledati i štečeti kak moček.
Imamo mi svoje “Međije” kaj nas čuvaju od glodavaca.
