Srdit sam. Raspoloženje mi je hudo.
Jeste li se igda osetili usamljeni med ljudima. Med svojim najbližima, i onim malo daljšima. Nigdar, sami ali ipak usamljeni. To vam se zove ‘Blagdanska depresija’.
“Preveč je sega. Pokloni, kaj se bo jelo, kolači. Od seg tog blješčećeg sjaja, se najempot, nestane, tup. I unda se ostane prozno, nega ničega”. Najrojši bi se preklel i zaprl se nekam de me ni vrog ne bi mogel nojti. Za se je kriv ti prokleti kapitalizam.
Sako leto, našo metropolu okite, dvo tri tjedne pred advent. Se blešći. Nagonjajo se svetla. Bežijo, žaruljice po drotima, boreki, so okičeni a iz sakog auzloga (izloga) smeje mi se sv. Mikloš i Deda Mraz. On drugi, Djed Božičnjak je samo za fino gospodu.
On prvi, Deda Mraz mi je donesel dve pomaronđe, malo jabok, dvo tri cukure “salonit bombone” s kakvima smo kitili bora, of drugi Djed Božičnjak koji namiguje mojemu vnuku i of mom viče da bi laptopa, quada i išće puno toga.
A mi kak papige ponovljamo. “Ak sam jo ne mel nej ve deca imajo”. I ve vi meni rečite kaj se morem raduvati Božiću i Mlodomu ljetu. Bum proglasil bankrot. Stečaj. Pozval bum Dalićku i Ramljaka.
Da vam nabrojim?
On gradonačelnik metropole “Mile Fontana”, po celom užem središtu groda, je dol mesta da se postove, adventske kučice. To vam je nekaj malo finejše i kulturnejše nego štandi s licitarima i gvercom. Bogme je i dražeše. Bemti, a ljudi glodni kak Gremlini. Napali na germ knedle, sarmu u pecivu, kulen, pršut, kuhano vino, i ostale tekuće probleme.
Nemam jo nikaj protiv toga. No se je stvoreno tak kak da je Božić došel mesec dni prejdi nego kaj treba. Ti smrca, ne znaš već kaj je svetek a kaj petek. Sega je preveč. Posljušam ljubav mog života kak se spomina s pajdašicom.
“Znoš Franca ovog Božića pri nami nema pretjerivanja. Do ve smo sakog Božića i Novoga ljeta meli odojka s rožnja u kompi sa kumom. Ovo ljeto štednja. Sprovila sam lonec sarme, napocala sam tri kile vratine, to ti onaj moj voli, (misli na mene) kuhano ili pečeno. Por zdelic hladetine i kupila sam oslića.
Gda dojdem s polnočke Đurek, (to sam opet jo) bo skuhal naše klobose. Za obed na Božić bo nekva purica z mlinci, pečeno carsko meso, zelena šalota, cikla i francuska šalota.
Kaj veliš? Makovnjkaču i orehnjaču? Ne, to bo za Novo ljeto. Slanci od lisnatog tjesta sa sirom i mesom. Je. Znoš naprvila sam salenjoke. Imam takvoga jednostavnoga recepta da strahota. Jeee, vanili kifleki i capice so već zdovnja gotovi. I medena pita. Nebom puno pekla, jer se ne poje, unda dom ciganici.
Z radija popevlju ‘Veselje ti navješćujem…’. S televizije kričiju da nema posta na badnjak, ali treba iti na dve meše. Na saki meši treba nekaj v šparavec deti. Biznis je biznis pa makar i v naši Materi Cirkvi. Ako oni vele da ne treba postiti onda su dalko za menom. Jo se postim samo kad mi dijabetolog veli. Zo me je to zapovedani post. Kak se boš postil?
Zet mi je Tomislav. Njegov otec Tomo ima na Tominje i rođendan i imendan. Nemreš na bograč dojti s proznom rokom. Moraš mo bor nekvo muško kozmetiko kupiti. Pitralona, Pino Silvestre i tak nekaj sličnoga. Sosed Štef veli da Štefanje dela kotlovinu. Kum Ivan veli da takvu rakiju kakva je njegova nema nitko (to znom od loni, tri dni me derala žgoravica).
I ve se ti posti. Cucu se bom postil. Gde so oni lepi cajti gda smo čakali badnjak? Stori japa je namiril blogo v štali, stora mama pozapirala živinu. A mi smo drhtali od veselja da se bo počel kititi bor i donesla slama pod stol. Nek Bog blagoslovi one oforbane orehe, salon bombone i jaboke mošonjke.
Pitam se gledi li to Božek kaj zdelovljemo? Vidi li on se one store ljude kaj sa sozom v joku prelistovljejo albume storih slik. Srećom, to blagdanska depresija prestaje zadnjih dneva decembra. Dnevi počnu rosti, a roste i nada, i ufanje u bolje i ljepše.
Sretan Vam Božić i Novo 2018. ljeto.