Bora smo kinčilji z jabokami mašonjkami, orehima oblječenima v peno, narezanim koruzinjem, sviljene cukore je mama obesila sama i prebrojila ji je
Sviljene cukore je bilo moči kupiti štacunu na kilu. Mama je
morala za sako kinčenje bora kupuvati znova, jer smo one od
prošlje zime za par dni od Božiča pojelji.
Kupila je samo fertalj kilje jer je navek se toboš zgovorila, da
unda nabo mesta na boru za druge đunđe. Oko stebla bora vezalji
smo jaboke mašonjke i nje je mama spuknula ne znam otkot.
Skrivala je pred nami to se, jer ne bi bilo ničega.
Bil je Božič 1934. ljeta…
– Deca, prestanite več jempot, pona su mi vuha – viknula je
mama dok smo si v glas popevalji – Ljiza, na primi Dragija malo
kaj turkinju zemem s kahljaka. Malo tiše popevljite, Badnjak je,
čujete? Tiše! Isusek se bo rodil.
Dok si je japa zel plafticu, znalji smo da je došlo vreme kaj
donese nuter slamu. Nesmo vužigalji lampaša dok je ne odzvonilo
Zdravomariju. F kmici smo se svadilji što bo čez noč na slamici
spal. Nas je bilo puno, a spati su na slami moglji samo dva.
Zdravomariju je odzvonilo i mam po tem je japa pokočil i otprel
vrata.
– Dober večer- rekel je
– Bog nam dej dober večer – odzdravila je mama. A mi, vudri v
smeh. Smejalji smo se jer se mama držala kak da ne zna što je
pokočil, a si smo znalji da je z druge strani japa. Mama nas je
po redu za vuha, a unda smo si si na slamu pokljeknulji i
zmoljilji v jen glas. Poslje moljitve, japa je del slamu pod
stol. Na stol smo složilji križa od slame.
A se okolji delji zrna pšenice, graha, kuruze, kaj bo ljetina
dobra. Kre zrnja smo delji peneze, kaj ji bo pri hiži navek
dosti. Makar, nigdar ji je ne bilo dosti. Oni, koji su melji
marhu, kak naši sosedi Šafarovi, doneslji su v njuvu kuhnju nuter
i sekire i hama. Večerjalji smo kompota od suhi sljivi, turkinju
i makviče. Makviči su vam kolači z črne melje, posipani s cukorom
i makom.
Ono kaj smo ne pojelji ostalo je na stolu, nikaj se ne
pospravljalo do polnočke. Bora smo kinčilji z jabokami
mašonjkami, orehima oblječenima v peno, narezanim koruzinjem,
sviljene cukore je mama obesila sama i prebrojila ji je. Jaboke
mašonjke su bilje za zdravje pri hiži. Dok smo kinčilji, popojdoč
smo popevalji svete pesme.
– Hote skupa veselit se, ar je došlo zveličenje… To pesmu je
japa imel najrajši, z njom nas je navek dozaval skupa. Dok smo
okinčilji našega, išlji smo gljet sosedovoga bora. Sem nam je naš
bil ljepši.
K polnočki su išla samo stareša deca od naše hiže. Dok bi se
vrnulji dimo,mama bi nam sem skupa spekla drobno od kokoši,
jetreca i još nekaj kcoj. I možđene od svinje je spekla, njo smo
zaklalji pred sam Božič.
Na Božič je več bilo drugač. Post je prešel, pak se moglo jesti
masno. F kahljaku su dišalje pečene čurke, a k zajtreku si
je saki spil i malo žganice za zdravje. Deca su od žganice
brehala. Pefcu se isto f kljun naljevalo malo rakije, kaj se bo
znalo što je med kokošmi gazda. Dečki su po selji išlji bajat.
Dobilji su jabuke, kolače, a znalji su si malo i spiti. Bilo njim
je slabo, nego kaj.
Tak mi je toga Božića bilo ljepo! F kuhnji je bilo toplo, a ja
sem stala kre bora i popevala. Pesma mi se otrgavala srca. Japa,
koj je došel zvuna nuter, samo je stal i posljušal. F štrti
razred sem išla i znam kaj si je misljil. Pital se v sebi, elj je
dobro naprajil, kaj je gospodi v školji rekel da nedem v muzičku
školu v Varaždin.
>>> TETA LIZA Legenda i čuvarica izvorne
međimurske pjesme
>>> ŽIVOT TETE LIZE (2) Nečem hmrti na
kvartelju
>>> ŽIVOT TETE LIZE (3) Dvesto zlatarski
čoni
>>> ŽIVOT TETE LIZE (4) Gospodine, molim
dinar
>>> ŽIVOT TETE LIZE (5) Pjesma
svakodnevnog življenja
>>> ŽIVOT
TETE LIZE (6) Nečem nikakvu pevačicu!
>>> ŽIVOT
TETE LIZE (7) Dravski vodenjaki
>>> ŽIVOT TETE LIZE (8) Svati bodo na
Valentinovo!
>>> ŽIVOT TETE LIZE (9) Veseli
svati se nedaju dimo
>>> ŽIVOT TETE LIZE (10) Materina
molba
>>> ŽIVOT TETE LIZE (11) Starijapa
Joži – mamina herbija
>>> ŽIVOT TETE LIZE (12) Reči su
veter, Jano
>>> ŽIVOT TETE LIZE (13) Majalijuš
i Švedska
>>> ŽIVOT TETE LIZE (14) Materino
pismo
>>> ŽIVOT TETE LIZE (15) Zlatni prsten
prefriganoga Jančeca
>>> ŽIVOT TETE LIZE (16) Najljepše cvetu dobravski
kostanji
>>> ŽIVOT TETE LIZE (17) Debela
paprika
>>> Život Tete Lize (18): Smrt oca
i verestovanje
>>> Život Tete Lize (19): Kuki…
jempot se bu vrnul dimo
>>> Život Tete Lize (20): Pečena
raca i spirek
