I tak pred 122 let na ovom istom mestu rodila se Huta. “Dete” Jožefa Antonovića fest bogatoga čoveka šteri je mel čuda zemlje i čuda sega kaj mu je trebalo i ne trebalo.
Oko jene hiže navek ftiči lete. Ništ se ne spremenilo samo kaj koli te hiže bumo rekli Hute, golobi lečeju.
Okoli ove tu hiže je onda ne ništ bilo. Zato se i zval negda te del Čakovca (denešnji jug Čakovca) Gorji Pustakovec od mađarskoga Pustafai kaj znači pustara. To je onda bila jedina hiža na jugu Čakovca s kućnim brojem 1. Huta je bilo mesto de su se ljudi shojali i počivali. Huta na mađarskom je značila sjenica, nadstrešnica, mjesto za provod i odmor.
Denes huta na mađarskom znači čisto nekaj drugo. Bumo rekli hladnjak. Pred 122 leti hladnjaka je ne bilo.
Ondašnje gradsko poglavarstvo grada Čaktornyia (Čakovca) je na denešnji den točneše 5.12.1892. leta zglasalo da se krčmaru (mađarski kocmaros) Jožefu Antonoviću da dozvola da legalno more točiti pijačo sake fele v Gorjemu Pustakovcu na denešnjem mestu. Tu na zidu visi orginal dokument na mađarskomu. Tak je Huta dobila dozvolu da more prva v Međimurju legalno točiti pijačo. To je bil prvi kafić po denešnjem.
1953 leta su Hutu skup s gruntom od Antonovića kupili Mandlinov Balaž z Domašinec za svojega sina Štefa. Mandlinov Balaž so bili človek šteri je ne nikše škole mel nit je pisati ne znal al je ftruc tomu mel krčme i po Međimurju i po Zogrebu i se je znal čega se god prijal. V domovnici od 1922. leta ,štera tu visi na zido, lepo piše zanimanje gostioničar. To je bilo prvo takše zanimanje f to vreme.
1960 leta je od svojega vujčeka Štefa Mandlina kupil Pišta Blažeka i tu je delal z zlotnimi rokami skup s svojom ženom Maricom tijam do penzije.
I ve su pok tu nasljedniki. Štrto koleno Mandlinovoga Balaža. I daj Bog da bu tak tu Huta zanavek od kolena do kolena za sa vremena.
V noveše vreme se tu na ovom mestu čuda sega dogodilo. Pol Pustakovca si je tu puco našlo i oženilo. Čuda se tu posla pogodilo i oldomoša spilo. Dugo je pisalo na zidu Čast sakome veresija nikome ili Ftruc spotrta kupica košta jezero dinari.
Ve so zidi friški al skrivleju čuda tajni. I stolci so negdašnji… Živeli Međimurke i Međimurci još jezero let!
Dok se huta otpira moje srce nema mira,
pa nek me i žena od hiže stira
Caffe bar Huta
Preloška ulica 82
40000 Čakovec