Samoborci imaju jedan pametan slogan za fašničko vreme. “Bedaki noriju svaki dan, a pametni samo na fašnik”. Jesmo li se moji pajdoši i jo držali toga ili smo samo šteli mlodima dokozati da još uvijek hoćemo, moremo, i znomo.
Bomo mi stari pljesnivci pokozali tim mlodima kaj su mugači i kak se nori. Pred 14 dni imeli smo sastanak pri meni v dnevnom boravku. Stekli, šteri je glavni organizator svih pizdarija, (ispričavam se) događanja vezanih uz treću dob, predložil je i temu fašnika ili vu kaj se bumo zalofralii.
Dečki ove godine tema bu politička. Zalofrali se bomo u vlodu. Čim je spomenul politiku bivši sindikalist Kusa je zmesta odvalil nekaj kaj je počelo sa “pas mater”. – Zakaj politika pitam ga jo. Daj Đurek naj benaviti. Pak ti bi moral razmeti da je glavni cilj mugača skriti provo lice. Biti ono kaj bi štel biti a nisi.
Drugi cilj je besiti ljude. A s čime ih denes moreš več zbesiti nego s politikom. Evo tebe predložem za ministra obrane. Oružje nemaš, v mladosti si vežbal ono kak se zove, kuja fuj vještine i dober si izbor.
Kusa bu minister gospodarstva. Celo imanje mu je pod hipotekom i Bog zno kak se bu zvlekel iz tog sranja, a živi bolje od seh nas. Pogledaj kakvog novog Pasata ima. Kusa ga grdo pogleda i zaviče. – To su mi deca kupila. Oni su poslodavci. gde bi jo. Od toga kaj jo zasljužim nerem ni cigaretline kupiti. Oni me hrone i peneze doju. Hodi vrit ovo su pripreme za mugače i prestani se buniti.
Kmet ti buš minister poljoprivrede, šumarstva, voda i sega kaj uz to ide. Zakaj jo? Javi se Ivek kaj smo ga zvoli kmet. Nigdar nisam imel falačec zemlje, ni grunta, ne znam voziti traktor, neznam orati kopati ni nikaj takvoga. Stekli ga lukavo pogleda i veli:
– Kaj misliš da minister zna kravu podojiti. Ne zna, a vidiš minister je. Nego idemo dalje. Šteri je od nas prisutnih zodnje vreme dobil puno opomena ili ovrhu zato kaj ni platil račune? Gubica kaj se vrtiš kak pezdec v riti. Ti buš onda minister financija. tak i ovak nikaj ne ploćaš. Minister zdravstva bu Šmrkljivi Francek.
Ti najbolje poznaš problematiku zdravstva. Em si stalno po ambulantama i bolnicama. Buš si već jemput zrihtal tu invalidsku penzijicu? Bum ak mi doš par jezerač ojreka – odgovori Francek. Idemo dalje. Za ministra graditeljstva predlažem Hudoga. Se složete. Kaj ti to mene zajebavaš? – upita Hudi Steklog.
Kaj ne znaš šter probleme imam s legalizacijom. Stori japa niso preneseli grunta, otec je hižu štale i garaže napravil bez građevinske, a jo mulec sam nastavil misleći da je se v redu. – No vidiš to ti je u tradiciji i za to si ti najbolji izbor. Ministar prometa i veza. Dečki kaj ima bolji kandidat od pajdoša Suhoga. Požerok mu je navek bilo suhi, ostal je bez vozačke, a auto su mu zeli sin i sneha i ve je ostal samo na biciklinu.
Jedini problem je u tome kaj bi nas netko moral i voziti v kombiju a Suhi je navek pod šusom. Minister unutarnjih poslova. Dečki ne vidim bolji izbor od Podmuklog Jože. Kaj taj ne sezna USKOK ni u snu nemre seznati. Sedni s z golom riti na mravinjok on bu seznal koji te je mrav od onih jezero mrovi vgrizel. Nego gdje je Podmukli?
Kaj ne bu došel? Nastal je mali žagor. Mir tam kraj kamina. Kaj ne vidite kuliko još ministarstva imamo? Lajavec koji je stajal kraj kamina pogleda Stekloga i reče. Čuj, a što bu narod? Nad kim bomo mi to vlodali? Čokaj malo. Imaš kakav predlog? Koga predložeš da bode narod?
Lajavec se zbrehne i reče. Nekak sam si mislil da bi najbolji izbor bil Gljiva. Misim na prijatela Naceka. Bogec nigde nikaj nema, živi od socijale, ves je nikakav. Mršav, bledi, bez volje i… V sredi njegovog izlaganja u dnevni boravak dojde Podmukli Joža ili ti minister unutarnjih poslova i bez pozdrava reče.
Ste čuli kaj se pripetilo? Kaj zapitamo. Hmrl je Gljiva. Prijatelj Nacek. Stekli skoči sa stolca. Kak hmrl? Hmrl, zobil disati. Kak da ti povem? Pak nemre samo tak hmreti. Ve smo ga zebrali da bo za Fašnik nosil lofru naroda – zapiščal je Stekli. Jebi ga Stekli. Narod ti je hmrl. Sprevod je prekzutra v 3 vure popolne.
Stekli sedne na stolec. Na licu mu nevjerica. Zdigne glovu, pogleda nas i reče. I ve ti bodi vlast. U najvažnešem cajtu izneveri te vlastiti narod.
Pa kam v pizdu materinu ide ovaj svijet?
