KAK JE NEGDA BILO Anica Jauk iz Kotoribe prisjetila se Božića svog djetinjstva

- Božić je od negda bil najvekši svetek. I stori i mlodi su ga komaj čakalji i za njega se prepravljali - započela je s nostalgijom

Prisjećanja na Božić njezina djetinjstva iznijela nam je Anica Jauk, umirovljena učiteljica hrvatskog jezika u kotoripskoj osnovnoj školi. Prisjećanje na blagdan djetinjstva ispričala nam je govorom svojega kraja koji je lani uvršten na popis nematerijalne kulturne baštine RH kao druga skupina govora u Međimurju, uz ranije proglašenu štrigovsku.

– Božić je od negda bil najvekši svetek. I stori i mlodi su ga komaj čakalji i za njega se prepravljali – započela je pričati s nostalgijom pa se prisjetivši: – Da gojt se zmišljuvljem i spominam z starešima kak smo se negda raduvalji Božiću. Kakvo je bilo to veselje nemre se zobiti. Vjutro rano smo smo se se si stalji. Saki je mel svojega posla. Mlajšina je rehe tokla i čistila, v mužđoru maka tokla za rogeke (orahnjača i makovnjača).

Gazdarica je bila glavna. Zapovedala je kaj bo što delal. Stareši su mesilji zdigane kuloče, kuruznoga kruha i to se peklo v krušni peči. Delalji su rezance, krpice i mljince. Preprajilji su šopanu gosku, racu elj pak pevca. Japa su v štalji morhu nadvorilji, štalu pusnožilji i preprojilji hronu za drugi den. Nacepalji su dosti drf zato kaj se kurilo celu noč. Preprojilji su bora i svezalji slamu v plofticu – naviru joj sjećanja.

Pupolne se čistila hiža i delal se kinč za bor. Dekljice su pljelje lanceke od krep paperi, ud tikvini kuščici i ud slame. Rehe su bločilji vu svetlje papere ud čukolade, eljpak su njih forbalji z srebernum farbum. Z nojži su doneslji škatulju z đunđi. Stora mojka su njis vučilji pupevati bužične pesmice. Dečeci su se vuni preprovljali za pocanje. Nastrugalji su glovice ud šibici v tuboljec, a ako su melji karabita, unda su pocalji žnjim.

Si su komaj čakolji kaj se smrkne i zazvuni Zdravo marijo – rekla je i istaknula posebni trenutak: – V hiži je bila kmica i tišina. Čakalji su japu kaj pokoči. Si su mu reklji ‘slobodno’. Duk je došel nuter z slamom na plječi je rekel:’ Faljen bodi Jezuš Kristuš. , i odgovorilji mu: ‘Na se veke amen.’ Počel je bajati: ‘Na to mlodo ljeto…’. Slamu je del pred stol, si su se pokljeknulji, a mama je na sredinu dela kruha, prekrižila ga i rekla: ‘Daj nam Bog kaj nam bo ljeto dobro rodilo’. Prekrižilji su se i moljilji Anđel Gospodnji i Očenaš.

Več predi su na stol nametalji sake felje semenja, a v sredini se naprajil križ ud slame. Delji su i drobne i papernate peneze. To su prekrilji z najljepšem dumočem stolnjakum. Na stolnjaku je bil dupljer zapičeni v repu, respelo i muljitvena knjiga. Pud stol su japa nametalji sekire, lance, pilje, biča i konjskuga homa – završila je jedan dio sjećanja te nastavila: – Unda se išlo večerijati. Jelo se posno jelo, makviči i kumpot od sadja. Deca su komaj čakala kaj bodejo kinčilji bora. Saki je nametal kinča i štimal se kak njegov ljepo zgljedi.

Navesilji su jabuke, puzločene rehe, lanceke, đunđe, zamotane cukore ‘salone’, prekapčilji su svečice i tičice, na vrh su delji špiku. Pud bor se dela pšenica i štaljica naprovljena ud papera poljek pok od kurzinja. Smejalji su se, popevalji bužične pesmice i kupitalji se, a na slami su znalji i zaspati. Pod borom ga ne bilo pokloni kak denes, elj je bilo pono vekše veselje i sreče. Potlji su došlji polježaji bajat.

Pokljeknuljiso si, prekrižilji se i ovak bajalji: ‘Na to Mlado ljeto, zdravi-veselji; tusti-debelji kak jeni jeljeni. Dej vam Bog puriče, račiče, teljiče, čmeljiče, kunjiče, ždrebiče, vuljiče, zloto i srebro, sreču, zdrovije, a zdušnoga zveljičenja največ. Amen.’ Japa su njih daruvalji z drobnemi penezi, ak su melji, mama z rehi, jabukami, kuščicami. Bajat se hojlo du pol noči – kazala i posebno istaknula još uzvišeniji trenutak: – Nojljepše je bilo iti k polnočki. Vuni je sneg škripal, bila je kmica, a v cirkvi veljiko svetlo, bori ukinčeni, štaljica pred ultarom. Semje srce zadrftalo ud sreče. A da su pak orgulje zaigralje, si su zapopevalji Narodil nam se Krolj Nebeski.

Več je nikomu ne bilo zima i nikomu se ne dremalo. Potljise pred cirkvum čestitalo. Domaj su njis čakolji kulbosi, čurke i grah z turmanom. Tak se z veseljem dučakal Božić.  Gazdarica je v jutro išla k rani meši, a k bedni so družina. Obed je bil obilati i svečani. Deca su bila jako srečna kaj su slobono jelji pono kulači. Pupolne su i stori i mlodi išlji k večernici. Tu je bil ofer ( ljubljenje križa). Deca su se veseljilja Isuseku v štaljici.

Na Božić se ne smelo nikam iti, a niti je što smel kam dojti. Si su se skup veseljilji, pupevalji, a deca su se kupitala na slami, stori mojka su pre peči Boga muljilji – iznijela je sjećanje, dodavši za kraj: – I denes mi je pre srcu toplo da se sega toga zmisljim. Nega bilo svetlječi žarulji, dori pod borum, elj su nam srca bila pona blagoslova i božega mira.

Naša sugovornica je predložila ovakav način sjećanja kako bi govorom unijela dašak prošlosti među sve nas. Sretan vam Božić!