Več sem vam pisal da sem stari dečko z Priloka i da sem, po mamici, tu herbal lepu malu hižicu. Prošli pot sem z Pajdašom Ivekom znapak zišel. Bili smo na Marini i se smo se, točku po točku, kak pri fiškalu, dogovorili da mi bu drugi den pomogel zvežbati nekve, njega vam ceteram, špajsne reči, pomogel zebrati se kaj si blečem, od gači do kape i dišeče vodice. Stalno me besi z tom sosedom da bom hudo prešel, ako se nebodem pripravil i zvuna i znutra.
>>> Dnevnik staroga dečka (1.): Herbarija
Kaj bote znali, došel je te den i ja čakam Iveka i roke mi drfču kak epileptičaru. Znate, od unda kak pajdašujem z Ivekom, v meni se zbudila muška zver, ve da sem v Zagrebu, mogel bi dve one najvekše zgrade, Mamutice se zovu, rezmeknuti. Ma kaj, Tarzan je za mene ovoga časa mlačna voda, vulkan tam nekvo malo brdo z kojega se samo malo kadi…
No, konačno, evo i toga žmigača, am laja kak da mu je japa bil tri mandate minister, a ako si ja bokibogme kaj zapamtim. Zato sem mu prošli put rekel, dok smo bili pijani… – Slo- vo po slo – vo, reč po reč, pomaaalji… kak jesenska megla. Jer, ako mi se pri sosedi Jani kaj hudoga dogodi, postal boš migrant. Zel si je Ivek zaozbiljno meni dati navuke, jer kak da vam velim, seks i ja smo nebo i zemlja. Ne me sram reči, jempot i ja moram zaozbiljno s tem početi.
– Dober večer, Purger, vidim, tak si kak Hamperi Bogart. I bil bi kak on, da nemaš žote lasi – rekel sem vam da laja bez veze. – Ivek, prestani s tem. Ti opče nemaš pojma da je moda tebi špansko selo, rekel sem mu. Ovu jesen, baš je jeno jutro govoril na radiju, žota je boja v Zagrebu jako hercih. Ne, ne, ne bomo vreme tratili. Ako mi imaš kaj reči reči, ako ne, ja pomali idem.
– Pak… samo sem te štel pitati… – opkružil je oko mene kak škorjanec… – Gle, ja sem se zrihtal i to je to… Ivek, idem jer je vreme…
Nacuknul me za rukav:
– Itak bi te pital… po pitanju seksa, ti si tu kak doma, kaj ne? Več sem ti rekel… soseda Jana… ona je… – Ivek, ja sem po Zagrebu ne ovce pasel, si razmel? Ti mene stvarno imaš za bedaka? – zlagal sem, ljudi dragi, tak zlagal kaj sem i sam sebi veruval, a sprašilo se do rotora, štiri vulice dalje, tak mi se pričinilo.
– No, dobro… – Ivek je samo v pod pogledal i bil sem siguren da se grize v sebi od jada. Kladim se da bi rajši bil v moji koži nego Bogeka videl. E, dragi Ivek, mislil sem si v sebi… neče ti se zdignuti, a kaj ja morem, dizalicu kupiti?
Stal sem se od stola, stepel se kak gusak i v žep košulje si del malu kutijicu. Dar za sosedu Janu. Maminu vuru kaj je dobila za tridesti let dela. Ma mami je sejeno v domu kulko je vur, jesti dobi na vreme. A za vuru je i zabila da ju ima…
Ve bo kaj bo…
Znate, dok sem došel pred ljesu sosede Jane, štel sem zvati vatrogasce od panike, ali ona je otprela vrata. Ooo, što me došel glet! Skoro sem zabila da buš došel… Ma laže, preletelo mi je po glavi, ta je premazana z debelom maščom… ali sem se znašel: – Soseda, dogo sem si premišljaval dal da se navrnem, kaj si nej več počivali… – Pak sem ne malo dete, hodi brzo nuter, večeri su postale mrzle…
I da skratim, dragi moji. Iskreno ne znam kaj se v jenem času dogodilo. Soseda Jana se obrusila v mene dok mi je vino natakala. Stegno ji je doteknolo kutijicu z vurom v mojemu žepu. Joči su ji zasvetile kak ove denešnje led žarulje. Mislila je da mi se… on… ftrdnul… i ponorela je!
Ostavila je flašu i čašu, zdignula me z stolca i štela otkapčiti kaputa. Prsti su ji se zapleli, a ja sem stal kak šlagerani. Splašila me kak šmerkljivca! Bogme, dok su gombi počeli letati na se strane, kak da je sedma divizija počela ofenzivu. Neje bilo časa niti kaj sam sebi rečem da vrag šalu bere… njezina roka je zgrabila za nekaj trdoga! Neje, neje bila kutijica. On je bil!
I tak smo se navlačili sim tam, a unda je nekaj jako zružilo! Ona i ja na podu! Kotala me kak mladoga kalampera po žerjavki! E nebuš! Nebuš! – grmelo je nekaj v meni. Škripala je kičma, ali kak da vam rečem? Krv mi je šikala v žilama na se strane, zgrabil sem ju za grudnjak četvorku, slekel gače! Nesem znal da soseda Jana prati modu. Čerlene tange su se jedva vidle na njoj. Se skupa, ako računamo i rit, zgledalo je kak da pred sebom imam čerlenoga folcvagena z blatobrani!
Ona je viknula : Deni ga! Deni! E, jebiga, dok sem ga moral deti, onesvestil sem se.